شمعة لنتذكر
لما كنا بالمُعتقل كنا نتمنى من الناس يلي برا يعملوا أي شي لحتى يطالعونا أو يخففوا عنا التعذيب أو يحسنوا ظروفنا بالمُعتقل، طلعنا وصار دورنا نحن نعمل شي للناس يلي لساتهن معتقلين ..
شعلنا شمعة لنقول لكل المعتقلين وكل ضحايا التعذيب انو مانسيناكن ولا رح ننسى ..
كل شمعة بتعبّر عن طموحات، وأحلام، وحياة ..
ضوينا شمعة لكل ضحية اعتقال، لأنو كل ضحية هي بوصلتنا يلي رح تضوي بعتمة الظلم يلي عايشين فيه، وتعطينا الطاقة نكفي الطريق، ونوصل للعدالة و نحاسب المجرمين، لنوصل لسوريا بدون تعذيب ومُعتقلات سرية ..
اليوم دورنا نكون كلنا بصف واحد لنقول بكفي ظلم بكفي تعذيب بالسجون، والأهم من هيك بكفي اعتقالات !
#شمعة_لنتذكر
فيلم قصير - شمعة لنتذكر
شهادة
التفاصيل اليومية التي يعيشها كلٌ من المُعتقلات والمُعتقلين في سجون النظام السوري لا تقل وحشية وانتهاكاً لأبسط حقوقهم/ن و حريتهم/ن و انسانيتهم/ن من أساليب التعذيب المرعبة التي تم توثيق استخدامها في أقبية المخابرات. في هذا الفيديو تروي إحدى الناجيات من الاعتقال بعض التفاصيل والعذابات التي عاشتها خلال تجربة اعتقالها. تفاصيل قليلة تُظهر جزءاً بسيطاً مما تعانيه المرأة السورية، و حتى الفتيات اليافعات في أقبية المخابرات السورية.
#شمعة_لنتذكر
أصوات الناجين والناجيات
كل شمعة بتمثّل ضحية من ضحايا التعذيب بمعتقلات سوريا.
كل شمعة بتعبّر عن طموحات، وأحلام، وحياة، خطفها الإجرام والقمع.
كل شمعة لنأكد انو مانسينا ولا رح ننسى، لنأكد انو رح نبقى نتذكر عذاباتهن ونسمع صرخاتهن.
#شمعة_لنتذكّر
مشاركات
المعتقلون أولا" #شمعة_لنتذكر_المعتقلين
Posted by Nawar Bulbul on Tuesday, October 20, 2020
لما شعّلت الشمعة و طفيت الضوء استعداداً لالتقاط الصورة، إجت عيني باللهبة، تذكرت فوراً أن الشمعة هي إحدى أهم وسائل تعذيب...
Posted by Fares Helou on Wednesday, October 21, 2020
ما نسيناكم... وبكل لحظة انتم معنا... ونحنا والحرية والحياة ناطرينكن #شمعة_لنتذكر #ACandle_ToRemember
Posted by عبدالحكيم قطيفان K.T on Tuesday, October 20, 2020